Contoh Sususnan Acara dalam Bahasa Sunda

Assalamualaikum Wr. Wb.

Kalayan ngucapkeun syukur kahadirat Allah SWT, anu parantos ngalimpahkeun Rahmat oge Karuniana, nu ngajantenkeun urang sadaya tiasa ngaluuhan kana ieu acara, teu hilap sholawat miwah salam mugia salamina dilimpahkeun ka Kersana Kanjeng Nabi Muhammad SAW.

Dina dinten ayeuna urang sadaya pada kempel dina raraga mieling Maulid Nabi Muhammad SAW. Teu hilap simkuring ngahaturkeun nuhun ka anu di pihormat , Bapak Kepala Sekolah , Bapak Ibu Guru , Miwah sadaya Staf Tata Usaha , oge teu hilap kasadaya para tamu undangan anu di pihormat.

                Supados teu nyangkolong teuing kana waktos, sateuacan acara dikawitan, sumkuring bade ngadugikeun rentetan acara, diantawisna :

1.       Bubuka

2.       Pangaosan ayat suci Al-qur’an sareng saritilawah

3.       Sambutan ti Bapa Ketua Panitia

4.       Sambutan ti Bapa Kepala Sekolah

5.       Beberan Hikmah Maulid Nabi

6.       Do’a

7.       Panutup

                Eta panginteun rentetan acara anu tiasa disanggakeun, sateuacanna dikawitan hayu urang sasarengan ngaoskeun basmalah. “Bismillahirrahmanirrahim”

BUBUKA

Hatur nuhun ka para hadirin, mudah-mudahan ku alatan maoskeun basmalah tadi urang sadaya dipasihan kalancaran kanggo ngaréngsékeun ieu acara.

Acara bubuka dialap cekap sakitu, nincak kana acara anu kadua nyaeta pangaosan ayat suci Al-qur’an sareng saritilawah na anu bade di dugikeun ku kersana saderek Fany sareng Umam Hidayat Kalayan anu dipihormat mangga dihaturanan

PANGAOSAN AYAT SUCI AL – QUR’AN SARENG SARITILAWAHNA

Hatur nuhun ka kersana sadérék Fany sareng Umam hidayat mudah- mudahan ku diaoskeunana ayat suci Al-Qur’an urang janten langkung raket sareng kanjeng Nabi Muhammad SAW.

Dupi acara anu salajengna nyaéta sambutan anu bade didugikeun ku kersana Ketua Panitia. Nu dipihormat kersana Bapa Bambang mangga dihaturanan.

SAMBUTAN KETUA PANITIA

Ngahaturkeun nuhun ka kersana Bapa Ketua Panitia anu parantos masihan sambutanana.

Acara anu salajengna nyaéta sambutan ti Kepala SMP Negri 1 Panumbangan, nu dipihormat Ibu Audrya mangga dihaturanan.

SAMBUTAN KEPALA SEKOLAH

Sambutan ti Ibu Kepala Sekolah parantos didugikeun, hatur nuhun mudah-mudahan naon anu didugikeun ageung manfaatna kanggo urang sadaya.

Dupi acara anu salajengna nyaeta beberan Hikmah Maulid Nabi anu bade di dugikeun ku kersana bapa Ustad Ra’isulumam Nu dipihormat Bapa Ust. Ra’isulumam mangga dihaturanan.

CERAMAH AGAMA

Ngahaturkeun nuhun ka kersana Bapa Ust. Ra’isulumam mudah-mudahan naon anu ku anjeuna didugikeun sing tiasa dilaksanakeun ku urang sarerea.

Teu karaos acara demi acara parantos kasanggakeun. Sateuacan dugi kana acara anu pangakhirna urang payunkeun heula ku pamaosan do’a anu bade di ngaoskeun ku kersana saderek Aji , Agus sareng Anom. Waktos sareng tempat mangga dihaturanan.

PANGAOSAN DO’A

Ngahaturkeun nuhun ka kersana saderek Aji, Agus sareng Anom .

Hadirin Wal Hadirot anu sami ku simkuring dipihormat, dugi kana acara anu pangakhirna . Simkuring salaku pangatur waktu pangjajap acara neda dihapunten boh bilih aya kalepatan, oge ngahaturkeun nuhun ka sadaya hadirin kana perhatosanana.

PANUTUP

Wassalamualaikum Wr.Wb.